Президенты æвзæрстытæм агитаци

Президенты æвзæрстыты агъоммæ агитацион кампани хъуамæ ацæуа æнæкъуылымпыйæ æмæ æнæзакъонхæлдтытæй. Дзыллон информацион фæрæзты мнæвæрттæн абон сарæзтой семинар.  Уацхæсджытимæ фембæлдысты мыхуыры æмæ дзыллон коммуникациты комитеты специалисттæ, Центрон æвзарæн къамисы уæнгтæ æмæ «Роскомнадзор»-ы кусджытæ. Радзырдтой сын, информаци раст куыд фыссын æмæ амонын хъæуы, уый. Уымæй уæлдай республикæйы центрон æвзарæн къамисы сæрдар Моргуаты Жаннæ се `ппæты базонгæ кодта æвзарæн кампанийы ногдзинæдтимæ. Фыццаджыдæр, æвзарæн хайæдтæм уыдзæн видеоцæстдард, адæм бюллетентæ æппардзысты, йæхæдæг сæ чи нымайы, ахæм урнæты, къамисы протоколтæ та уыдзысты кодтимæ. Фæзынд ма иу ногдзинад — æхсæнадон палатæйы минæвæрттæн уыдзæн участоктæм цæст дарыны бар.
_
Мы рядом в:
vk.com/irystontv
instagram.com/irystontv
Telegram: t.me/irystontv
youtube.com/irystontv
twitter.com/irystontv