Рейдтæ маршрутон такситыл

Дзæуджыхъæуы алы дыккаг маршрутон такси дæр кусы барадхæлдтытимæ. Уый рабæрæг сæрмагонд рейды рæстæг. Сарæзтой йæ нæ республикæйы промышленность æмæ транспорты министрады, Ространснадзор æмæ фæндаггон змæлды æдасдзинады паддзахадон инспекцийы кусджытæ. Специалистты ныхæстæм гæсгæ, хæдтулгæты техникон уаг æмæ сæ гæххæттытæ бæллиццаг уавæры не сты. Уымæй уæлдай ма, маршрутон такситы шофыртæ арæх халынц фæндаггон змæлды фæтк.

Сæ машинæтæ бауромынц æнæмбæлгæ рæтты, салон та, цас æмбæлы, уымæй фылдæр адæмæй байдзаг вæййы. Нæ республикæйы промышленность æмæ транспорты министры хæдивæг Хъырхъуты Аланы ныхæстæм гæсгæ, рейдтæ арæзт æрцæуынц изæрыгон.

Сгæрст æрцæуынц хæдтулгæты санитарон æмæ техникон уавæр, сæ хъалонтæ фыст сты æви нæ, стæй шофырты æнæниздзинады æвдисæнтæ.
_
Мы рядом в:
vk.com/irystontv
instagram.com/irystontv
Telegram: t.me/irystontv
youtube.com/irystontv
twitter.com/irystontv